Arab Fun Stuff: ㋡//\\Mazen_Group\//㋡ Diffrence between brown and white sugar / شنو الفرق بين السكر الأبيض والبنّي؟ //\\(MAzEn)‎‎‎\\//

من جم سنة قمت ألاحظ زيادة استخدام السكر البني في الكافيهات والعزايم

بالبيوت، يتردد بين الناس انه صحي أكثر من الأبيض، صج هالكلام؟ وليش لونه يصير بني؟ وشلون يصنعون السكر؟

من الأخير: الفرق بين الاثنين طفيف حيل صحياً ونقدر نقول اثنينهم نفس الشي. السكر البني الطبيعي فيه كميات ضئيلة حيل من المعادن المفيدة للجسم، بس كميتها نتتتتتتتتففففففةةةةة كلللللشششششش وجودها من عدمها واحد. أما بالنسبة للسعرات الحرارية نعم السكر البني فيه أقل بشكل عام بــــــــــس بلورة السكرالبني أصغر وفيها حزم السكر كثيفة أكثر من الأبيض، يعني النتيجة قفشة السكر البني فيها سعرات حرارية أكثر من قفشة السكر الأبيض.

شكل السكر البني يحسّسك انه طبيعي اللي يطالعه يقول: "إقعددددد هذا شغل عدل، أبد شكله توه طالع من الأرض! معفّس ومصوفر مادري شلون مو نفس السكر الأبيض مرتب ولونه ناصع، هذاك أكيد مضر!"

هالانطباع غلططططط بغغغلللللطططططططط! نفس مشكلة الناس هالأيام مع استخدام الأعشاب عبالهم كل عشب طبيعي يكون زين ما فيه أعراض جانبية، شكثر في أعشاب طبيعية تلقاها سامة وقاتلة ومؤذية بس الناس الله يهداهم أي شي، كلمة توديهم وكلمة تييبهم والاعلانات بالجرايد طب وتخير روووووووح فلوووووس من ورا هالعقليات، الشغل مااااشي تماااام!

سكر الطعام اللي متعودين نشوفه بكل مكان علمياً يسمونه "سكروز" -- Sucrose، اللي اهو مكون من الجلوكوز والفروكتوز.

السكر الأبيض يكون 99.9% سكروز.

السكر البني يصير 97% سكروز و 2% ماي و 1% مواد أخرى ومعادن (مغنيسيوم، كالسيوم، بوتاسيوم، حديد …الخ)، هالعناصر الإضافية مع الماي يعطون اللون.

اللي يدري يدري، واللي ما يدري ترى السكر ينتجونه من قصب السكر اففف تعبت وانا أعلّم فيكم

عاد يكون بني اللون بالأساس، بعدين يكررونه ويغسلون منه المواد والمعادن وينشفون الماي اللي فيه ويصير أبيض صافي.

وايد مصانع وشركات بعدين يردون يضيفون دبس قصب السكر على السكر الأبيض عشان يصير لونه بني مرة ثانية ويبيعونه بكميات تجارية. حتى بالبيت تقدرون تييبون كوب سكر أبيض وتحطون عليه قفشة كبيرة من دبس السكر وتخلطونه وتتركونه ينشف، بعدين *تااادااااااااااااا *صار عندكم سكر بني! واللي يضحّك معظم السكر البني الموجود بالسوق يكون مكرر بهالطريقة، يعني ما يكون طبيعي بالدرجة الأولى، مكررينه أبيض بعدين رادينه بُني.