من اسمه نفس طريقه روب وخيار بس هالمره بالشمنجر...واي احد يقول ويه استغفر الله .. اقولهم استريحو ذوقوه بالاول وبعدين قررو... منعش وبارد وكفايه لونه يهبل.. ويصير صلصه رهيبه حق المشاوي والساندويشات... باذن الله بنزل وصفه برغر وهذي صلصته
الشمندر اللي استخدمته مسلوق واللي تحب نكهه الشمندر اكثر تشويه ( بقشره تلفونه بالقصدير وتدخلونه الفرن وتالي قشروه )
ممكن تضيفون له اضافات ثانيه مثل الرمان او المكسرات وممكن تاكلونه بروحه او تخلونه تغميسه مع خبز محمص او خضار
الوصفه اخدتها من مجله فتافيت لجيمي اوليفر
المقادير والطريقه :
كوب روب كامل الدسم نخلطه مع قفشه كبيره لبنه بينار ( او علبه الميني مالتهم ) ونخلطها مع فص ثومه وقشر ليمونه كامله وعصير نص ليمونه
تالي نبشر شمندرتين ونخلطهم معاهم وبالف عافيه
