الى كل من أحب قلبي ... أرسل ورودا من كلمات ... تجمع الوان الربيع
واطلالة الصيف ....
وانا واثقة بأنها ستعجبكم
شيري
من كلمات الدكتور صالح الشادي
ما يهمك.. ومن متى كانت سوا ليفي تهمك..!؟
ومن متى كانت عباراتي تهمك..!؟
ومن متى كان الشعر.. ولا أنا حتى أهمك !؟
اكتشفت اليوم إني كنت ماضي..
كنت شاعر يحترق يملا حياة إنسان فاضي..
واكتشفت أن الهوى ماهو بدمك..
كان شي من الوهم..
كان افتراضي..
يعني في تعبير سطحي..
كان سطحي..
كان ممكن ينتهي
أو ما يهمك..
كان..
ياهي توجع القلب وتذله..
كان يعني العرش ماعاد بمحله..
يعني دورلك مكان..
يعني كل اللي حصل.. غلطة زمان..
يعني شف لك تاج غيري وصولجان..
يعني مالك حق تشكي..
يعني مالك حق تبكي..
يعني غيب بهالعجاج ولا تبان..
كان.. عند الناس يعني كان..
يعني موجود..
له أبعاد وحقيقة.. له كيان..
يعني نيران
وغضب..
ريح وحريقة.. وعنفوان..
وعندك أنتي كان
كلمة..
من بعض ماقال فمك..
يعني من ذاك الكلام..
اللي يعدي في سلام..
ولا يهمك..
عندك انتي..
والله أني ما ضعفت..
بس عند الحب من طبعي ضعيف..
حبي اللي فيه من قلب إعترفت..
وغيره أوهام تخاف.. ولا تخيف..
لا تقولي يالطيف..
شاعرك لو جاع..
يخبز من ألم جوعه رغيف..
شاعرك.. لو شاف ضيف
يصير عند الضيف ضيف..
شاعرك.. وبل ورفيف..
شاعرك من وين مارحتي وليف
شاعرك من وين ما جيتي وليف..
شاعرك حريف..
أقصد انه لا نوى الصعبه كسرها..
واقصد أن جديلتك يعرف شعرها..
لمها ياما.. ولو يبغى يلمك..
وبعد هذا.. ما يهمك !؟
أســــــــــــــــــــــــــتويتي!
صار لك عنقود يغري الأرض ويفجر ضماها!
استويتي !؟
صرتي اشهى من عروق الذكريات ومن صباها!
استويتي !؟
بس من وين ارتويتي؟!
من سقى روحك حياة..؟
ومن رعاها..؟
من وصل فيك النجوم.. ومن تباها؟
من هذاك اللي على صدره غفيتي؟ من يكون؟
الله واكبر.. كيف عنه مادريتي؟
إستويتي..
وبان لي وجه الحصاد..
آه ياوجه الحصاد..
آه ياذاك الشحوب اللي تلاطم بالسواد..
آه ياذيك الخدود اللي يصفعها الرماد..
ما وفت !؟
أو ماوفيتي ؟!
مايهم..
ومن يقول إن الوفا همي وهمك..
إرحلي.. ماني بيمك..
إرحلي.. كانك تبين.. لا يهمك..
ومن متى كانت سواليفي تهمك..
ومن متى كانت عباراتي تهمك..
ومن متى كان الشعر.. ولا انا حتى أهمك!؟
من كلمات الامير بدر بن عبدالمحسن
رجاءً إلى متى صبري
أنا لن أشتكي همي لغيرك
يا روحي أشتكي روحي على من
رسالة حبرها دمي
رسالة تصرخ بهمي
سألت الريح ودروب القوافل
سألت الغيم عن لون السنابل
سألت الناس عن وجهك حبيبي
وعن الشمس .... ومتى تشرق مساءً
أحبك يا الصحاري اللي فهجيرك
أحترق كلي وفاء
كتبت لواحة عيونك رسايل
سراب الدمع وأنفاس القوايل
كتبت وذي ترى آخر رسالة
أحبك وإن هجرتيني وداعاً
وكل عام وانتم بخير
