تعبت اكذب الواقع واصدق كذبة اعجابك
لأني عاشق ٍ مخلص ملكـــــني حـــبك بسحره
تعبت اراعي شعورك واغظ الطرف بغيابك
غشيم ٍ واحسبك وافــــــي خدعت القلب بالنبره
رخصت الكل من شانك رضيت اتحمل عتابك
ولكن للأسف حــــــبي من افعـــالك ذبل زهره
تحملتك على ظلمك وقلت الوقت يصفى بك
واشوفك تلعب بذيلك وغدرك آه وش كــــــبره
وفوق الغدر تتمسكن وتخفــــي السم بانيابك
وتظهر دمعتك تبغي تغش اللــي رخص عمره
ولكن وفـر دموعك تراني خــــابـر العابك
انا ماني مثل غـــــيري ضعيف النفس والقدره
محيت اسمك وشققت الرسايل وانقفل بابك
ولا عاد المشـــــاعر تتحرك مـن شوقها شعره
كرهت اسلوبك الماكر كرهت اناظر اهدابك
وعفتك عقب مــــــــا بانت حقيقة قلبك وغدره
مصير الوقت يثبتلك وفاي ويحرق اعصابك
وتتحسف على مــــــا فات منك وتمتلي حسره
بعلمك الوفا واشلون لين الغم ينتابك
واجـرعك العذاب اشكال دامك غدرت بالعشره
