 |
أحلى جزء من سلاحف النينجا
سنين وبنين أتابع هالكرتون وتوني أنتبه على هالمعلومة عن أسماء السلاحف.
وانا أحط الصورة (الأزرق ليوناردو ويستخدم سيف ياحظي مو عصا) في قسم الصور، أول شي ترددت بكتابة العنوان وبغيت أتأكد شنو اسم السلحوف الأزرق، قمت ودورت في قوقل اسم دوناتيلو و لا بالصدفة أطيح على هالصفحة (دوناتيلو) في ويكيبيديا، يوم شفت ماكو صورة حق شي يشبه سلحوف أخضر بالصفحة سيده طقيت باك ورحت اشوف باجي النتايج في قوقل. بعدين قلت هوب هوب هوووب كُميل رد شوي 
رحت اجيك ولا أوخخخخ 
1- الأزرق = ليوناردو ، على اسم الفنان المشهور ليوناردو دافنشي، هالولد بتاع كلّه: يرسم، ينحت، يصمم، معماري، وعالم بوايد أشياء… يعني يحليله كان يحاول يقلدني بس ما قدر 
تمثال للفنان ليوناردو دافنشي
2- البنفسجي = دوناتيلو ، على اسم النحات دوناتيلو دي نيكولو، من أشهر النحاتين بعد مايكل أنجلو.
دوناتيلو
3- البرتقالي = مايكل أنجلو ، على الرسام والمهندس والنحات والشاعر مايكل أنجلو. كان شخصيتي المفضلة بينهم وكنت أعصب إذا واحد ثاني لبس مثله لأني كنت حاجز الشخصية حقي
مايكل أنجلو
4- الأحمر = رافاييل ، على اسم الرسام رافائيل سانزيو من أساتذة الحركة الكلاسيكية الأولى في عصر النهضة.
رافاييل، فقير الظاهر ما سووا له تمثال كااااااك
السر الجهنّمي: كل هالفنانين إيطاليين الأصل ويرجعون لعصر النهضة الأوروبية، قعدت أفكر قلت يمكن من جذي كانوا يحبون البيتزا وطايحين دب فيها؟
مو قادر ألقى الرابط بين شخصيات السلاحف في الكارتون والفنانين الأصليين. أصلاً المفروض شخصية البنفسجي دوناتيلو يصير اسمه ليوناردو، على ليوناردو دافنشي لأنه مشهور بالعلم كثر ما هو مشهور بالفن .
وبخصوص الكارتون مادري ليش ما عجبتني الأجزاء اليديدة منه، بس أول جزء القديم (سنة 1987-1996م) هذا اللي حسيت اندمجت معاه، الأجزاء اليديدة بعدها حاولوا يخلون رسم الشخصيات أكشن على زيادة خرّبوا كل شي والقصة صارت ماصخة. مادري يمكن لو كنت بنفس عمري وانا صغير اطالع هالأجزاء هم كان يعجبوني 
ملاقة رسم الشعار وملاقة رسم الشخصيات
هذي صور منوعة لذكريات أيام الطفولة والفضاوه:
الصورة هذي كانت بكل صوب وكل دفتر ستيكرز كنا نلقاها
الألعاب كانوا عذاااااب
فرّام يوم طاح البرقع من ويهه
ويهه أي شي، إحبااااااط! بالله على هالويه وينه وين كل هالشر سنين يلاحق بهالسلاحف الفقارى من بالوعه لي بالوعه وطق ودم لي الركب وخطط وأكشنات
منقول
