بسم الله الرحمن الرحيم
قصة حقيقية
حنان حلمى
اليوم مثل كل يوم كنت فى طريقى للعمل
ومشيت فى نفس الشارع مثل كل يوم
ولكن اليوم كان مختلف
لماذا؟؟؟؟
للأتى !!
أتوبيس مدارس وسيارة ملاكى
خبطوا بعض ومعرفش ازاى
اتوبيس المدرسة مقلوب على جنبه
والسيارة الملاكى تقريبا منتهية
واثار الدماء على الأرض
واتفزعت بصورة رهيبة وسألت فين الأطفال اللي كانوا راكبين
وكنت عاوزه اعرف تفاصيل او اساعد بأي شيء
ولكن الزحام والتوتر والعصبية
محاطة بالمكان
وذهبت عملي وانا فى بكاء شديد
واللي هزني وشغل تفكيري
الأمهات
لما يسمعوا او يبلغوا بحادث الأتوبيس وكل ام
مش عارفه ابنها او بنتها عايشين ولا لأ
هذا هو الفزع الرهيب الذى سيحدث
ولكن كام ام حتقول ان لله وانا اليه راجعون
الله اعلم
انا مش عاوزه ادخل فى مشاكل المرور ومشاكل السواقين ومشاكل الطرق
كلها اشياء قائمه ومش قادرين نغير فيها شيء
لكن نسأل أنفسنا عند حدوث الفزع نتصرف ازاي نواجه المشكلة ازاي
علشان ربنا يكرمنا ويثبتنا لأننا فى الأوقات العصيبة ممكن نفقد السيطرة على عقولنا
ونضع أنفسنا فى دوائر مغلقة
رجاء
الى كل ام أن تحسن المعاملة وتبعد عن القيل والقال وتشغل نفسها بأشياء مهمه
وتبعد كل البعد عن الثرثرة والتافهات وتجعل جزء من وقتها لذكر الله سبحانه وتعالى
ما تتصوروش اد إيه فضل هذا العمل
جربوه الأول وبعدين حتشوفوا الجمال والراحة النفسية
والأهم من كل هذا
يعتبر وقاية وتحصين من أشياء كثيرة تحدث على غفلة وتجدوا منفعة هذا الذكر
فى الأوقات العصيبة وخصوصا عند توقف العقل للحظات تجدوا اللسان يذكر بلا وعي
صدقوني فى هذا الكلام
اعملوه وجربوه وأدعو لي
جزاكم الله كل خير ووقانا شر الغفلة والموت المفاجئ بدون ترتيب سابق
Amal Shbat
Hotmail: Trusted email with Microsoft's powerful SPAM protection. Sign up now.
