From: m6a6g
أنا العزوبي واتقطع تقطاع
على زواج البنت تدمع عيـــــــــــوني
انا العزوبي وين ما رحت مرتاع
زين العـــــــــــــــاء يالعرب جننوني
اشوفهم في كل روحه ومرجاع
من حيث ما وليت هم عـــــــــــذبوني
فالبيت فالتلفاز والصوت والمذياع
حتى العمل يا ناس ما فـــــــــارقوني
وليا نويت السوق ناوي تبضاع
اروح وارجع منخطف حيل لــــوني
ارجع وقلبي حايس بين الاضلاع
من زود دقـــــــــــا ته تخلع امتوني
اللي تتغنج فالمشي بالتدلاع
واللي تناظــــــــــرني بطرفن فتوني
وام العيون السود والرمش قطاع
وام الجـــــــــدايل والكحل بالجفونــي
وام النقاب اللي تمصعك تمصاع
قـــــــدام عيني والبشر يشهدونــــــي
كنها تمتع في عذابي تمتاع
وانا العـــــــزوبي كان ربي فــ عوني
واهل الجنوز الضيقه واهل الاوساع
مدري وش اللي حــــــــدهم يلبسونـي
منهم تجرعت المراره تجراع
في كل يــــــوم يزيد همي وحــزوني
لو نطلع المريخ في لحظه وساع
نلقى العــــــــــــــوايل قبلنا يطلعونــي
من بعد طرح وجمع وصراع
قررت انا اخطب بنت وانهي ظنوني
وفي ليله الفرحة تقول اني مرتاع
ومن زود مافيني تراقـــــــــل سنوني
ابوها قال اليوم ماني بطماع
عندي شــــــروطن للمهر واعذروني
يقوم يوحي لي ويشر بالاصباع
يبغى المهــــــــــر ميتين او يكثروني
يقول يبغى العرس في قصور واقلاع
ونبغى ذهب لام العروس المــــزوني
ونبغى الحلا والكيك من كل الانواع
تبـون ولا يــا عسى ماتبـــــــــــــوني
ناس تحسب البنت شروه ومبياع
تبي المكاسب لو زادت ديــــــــــوني
ماهمهم لو زاد همي والاوجاع
ماهمهم يـــــــــــــاكود ملي البطوني
يامومنن بالله ساجد وركاع
بنتك امانه حــــــــــــاذر انك تخوني
لاتنعس ابنيتك في سبت واشباع
نفسك وجمـــــــع افلوس ماينفعونـي
بكره ليا جتك المنيه والاوجاع
تنــــــــــدم ولا ينفعك دمع العيونــي
الخيمه اللي بدون عمدان وشراع
يمكن تطيرها الهبــــــــايب بهونـــي
انا العزوبي واتسكع تسكاع
تفكــون بالله يالعرب زوجــــــونــي
Your E-mail and More On-the-Go. Get Windows Live Hotmail Free. Sign up now.
