حبيب الروح حرام تروح حبيبي كيف تنساني
تخليني مع الاوهام اعيش الياس وحداني
انا اللي تهت في حبك معك ما ملت مع ثاني
جزى هذا تحداني و تفضح سر وجداني
انا اللي دوم شفت اللوم من جلك عفت خلاني
واشوفك ياحبيبي اليوم تطيع افلان وفلاني
سهرت الليل انا وسهيل ونومك يالغضي هاني
بحبك ياما ذقت الويل ولاتسأل عن احزاني
ابصبر في الهوى لجلك وحبك ياما عناني
عساك تحس باللي راح وترحم ما تحداني
ونمشى درب كله حب ربيعه ورد ريحاني
ونطفى لوعتٍ في القلب وبدل يوم حرماني
