 |
From: wezh5957
طريقة البزار البحريني بالصور ومن مجهودي الشخصي أرجو التثبيت للإستفاده.....
الكل يسألني عن بهاراتي وسر نكهه طبخي
فقررت أكشف عن سر من أسراري ونجاح طبخاتي
بزاري العجيب
المقادير
كيلو فلفل أسود
نص كيلو جلجلان
ربع كيلو هيل
ربع كيلو عرق الهيل
ربع كيلو زنجبيل
ربع كيلو جوز بوه ويمكن الأستغناء عنه
ربع كيلو قرص القمر
ربع كيلو كركم
ربع كيلو هيل حبش
نص كيلو سنوت
ربع كيلو مسمار
ربع كيلو حلبه
ربع كيلو دارسين
ربع كيلو فلفل أحمر
250 غرام ورق الغار
الطريقة
ننظف البهارات وننسفها ونطلع منها كل الشوائب ويمكن غسلها كل صنف بروحه
ونصفيه بمصفى وننشره بالشمس لين يجف وأذا كانت البهارات نظيفه ننسفها بس
نحمص الكمون وبعدها نحمص الجلجلان وبعدها نحمص الفلفل الأحمر
ونحطهم بقدر نكسر القشر اللي فوق الجوز بوه والقشر اللي على قرص القمر
ونضيفه على الكمون اللي بالقدر
نضيف كل البهارات الموجوده ونخلطها مع بعض بهذي الشكل
ناخذها الى المطحنه اللي بالسوق ونحصل على بزار ناعم وريحته ماصارت ويعطي أكلج نكهه خاصه
مثل الصوره
نكيسه باكياس ونحتفظ فيه بالفريزر الى وقت الأستخدام
