 |
مساء الخير بالجميع ...
شلونكم شخباركم ...
الحمدالله رديت بالسلامة يوم الجمعة الموافقة 24-9-2010
السفرة هالسنة كانت في تايلند وتحديدا بوكت وبانكوك
طبعا الطيران على متن خطوط الاتحاد .. واعجز واقول وااااو على هالخطوط
المغادرة كانت الساعة 3 الفير ومن ثم الوصول الي مطار ابو ظبي ومن ثم الي بانكوك
وصلنا مطار ابو ظبي بسلام والمطار وايد كان هادي لانة وصلنا الفير بس الي ما حبيتة القوانين الي مالها داعي بالتفتيش
وبعد ما وصلنا قعدنا ساعتين بالمطار وانا عاد ما اعرف اقعد لازم يا اتمشى يا اسوي اي شي
قلت دام قاعدين ساعتين خل اشبك واايد احسن
بدا الاعلان عن الرحلة
دخلنا الطيارة وانا خو لازم اجككك بالصور والله يعافي الكاميرا مستحملتني
المهم دخلنا الطيارة وهذي الطيارة واحنا متجهين الي بانكوك
قعدنا وبدا التصوير طول الرحله لانة الوقت وااايد طويل حوالي 6 ساعات بالضبط لانة طول الوقت شغالة تصوير
واايد حبيت طريقة عرض الرحلة
صور متنوعة
وصل الريوق
احلى شي حبيتة بالطيارة
التقنيات بالشاشة وكلة بالتج
احلى شي كيفت علية
وصلنا الي بانكوك بالسلام
وصلنا مطار بانكوك الدولي المغرب
شي مقدس عندهم بكل مكان تلقاه
اول ما وصلنا حجزنا لبوكت لانة قالو هناك واايد اوفر لكم
وفعلا وااايد اوفر وااايد احسن
Asia Air اخترنا طيران
وااايد حلو الطيران ونظيف ... حجزنا وخلصنا وبعدين كنا حازين بالكويت لفندق نوفتيل المطار نرتاح فية يوم ومن باجر الصبح الاقلاع الي بوكت
طلبنا سيارة الفندق توصلنا للفندق
دخلنا الفندق واااايد حلوو ليوم راحة
لوبي الفندق من الاعلى
طيارتنا اقلاعها الساعة 8 الصبح بتوقيت بانكوك واحنا ما شاءالله واايد نشاط رحنا الساعة 6 المطار
علما ان الفندق يبعد 5 دقايق الي المطار
وصلنا المطار دخلنا جناطنا وبعدين قعدنا نتمشى ونشوف مطعم عشان نريق
مافي شي عجبني غير ستاربكس
وكان هذا اوفر عندهم
واحنا قاعدين نتمشى جان اشوف بيض ملون
بدا الاعلان عن الرحله وتوجهنا الي الطيارة
وااايد ايينون وانا اخترت يم الدريشة عشان التصوير
وتبعد بانكوك الي بوكت تقريبا ساعتين
طريقة الطيارة انه انت تشتري الاكل مثل الجزيرة وانت تشتري الوزن بعد
شرينا اكلنا بس للاسف ما صورت لاني كنت مستمتعة بالاكل
وبدا العرض عندهم اذا حاب تشتري اي شي من عربة التسوق
لازم خو احنا اي شي نشري انا شريت جنطة للميك اب وماوس للابتوبي لانة لونها ايين واختي لازم تقلدني وامي شرت قلم للمكتب
واحنا بالطيارة
وصلنا مطار بوكت بس للاسف ما صورت لانه ممنوع التصوير وصغير المطار ما يسوى تصور
المهم اول ما وصلنا طلبنا ميني باص عشان جناطنا كانت كبار
fantasia world واحنا بالمطار حجزنا حق
banyan tree ركبنا الميني باص ودنا للفندق وهو
اعيز واقول وااااااااااااااااااااو
وصلنا وانا عيوني @@ لانة وااايد كبير وراقي
لوبي المنتجع
اول ما وصلنا قدمو لنا ورد نحطة في ايدنا وقعدنا بالوبي وقدمو لنا منشفة مع ايس تي وعسل
على ما تجهز فلتنا
المرشدة يت وقالت لنا تفضلو << طبعا كلة بالانجليزي بس انا اترجم اهني
رحنا بسيارة القولف للفيلا
وانا لازم تجكك بكل حزة وبكل ووقت
deluxe two bedroom villa وصلنا الفيلا وعبارة عن
رقم الفيلا
دخلنا ومرشدتنا معانا يا حليلها تعلمنا على كل شي
خلصت وبدا التصوير قبل العفيسة
الصالة
غرفة امي واختي
وغرفتي تطل على المسبح
المسبح
المسبح بليل
صور متنوعة بليل
العيب الوحيد انة الاضائة بليل اهم يتحكمون فيها يعني بعد الساعة 12 يتسكر كل الاضاءات بالخارج ويخلون اضاءات خفيفة
طبعا تقدرون تطلبون باربيكو بس للاسف احنا ما طلبنا لانة بس نقعد يومين وبعدين نغير الفندق للتغير ويا ليتنا ما غيرنا وبعدين اقول لكم السالفة
طبع النوم كان وااايد قليل قعدت الصبح الساعة 6 وطلعت اخذ صور
هذي فلل تطل على بحيرة بس المسبح خارجي يعني مو برايفت
يعني لما تتسبحون الكل يمر ويشوفكم
هذي الله يسلمكم قعدة حق المتزوجين او اي احد بس تفضل للمتزوجين
لانة القعدة رومانسية
القارب الي يوصلك للمكان
تحجزها يا تتغدى او تتعشى بوسط البحيرة
في اليوم الاول يابو لنا هدية وااايد تونس
وحجزت انا وامي سبا مساج مكانهم بعد شي خيال
حجزنا 3 ساعات
بس توصل يقعدونا في مكان على يطلع على المسبح وايبون لنا ايس تي مع عسل
طبعا ميني فيلل انا بروحي وامي بروح
هذي فيلتي مالت السبا
طبعا قعدت اتكلم مع الي تسوي سبا واشرح لها الاماكن الي محتاجة تركز عليها بالسبا
واخر يوم يابو لي هدية
اعرفكم على ضيف بس يطلع بليل وسوا لنا قلق مو طبيعي
banyantree هذا كان تقريري في
وهو الجزء الاول
__._,_.___
