From: nana-moon216
طبعا اى وحده ساعات بيجى عليها وقت وتحس انها زهقت من شكل الدهب بتاعها
لانها لبسته كتير
ولونه انطفى
وبتحس انها محتاجه تغيره
الموضوع كيف نجدد الدهب ونلمعه
كاننا لسه شرينه من الجواهرجى هلئيت حالا
1- هاتى الدهب اللى انتى عايزه تلمعيه
مهما كان نوعه دهب عادى او لازوردى او اى ماركه تانيه
2- هاتى طبق صاج مش بتستعمليه كتير وحطى فيه شويه ميه وحطيهم على النار
3- لما تحسى ان الميه سخنه هاتى شويه اريال او اى مسحوق غسيل وحطيهم على الميه
4- هتلاقى الميه بقى لونها ابيض زى اللى فى الصوره كده ولما تغلى حطى الدهب فيها
5- سبيهم حوالى 5 دقايق على النار
6- خدى الطبق على رخامه مثلا عشان تطلعى عليها الدهب (بس انتبهي عشان الدهب هيكون سخن جدا)
7- هاتى فرشه سنان قديمه عندك وطلعى بيها الدهب 
8- طلعى الدهب قطعه قطعه وهاتى الفرشه وفرشى بيها الدهب من جوه ومن بره كانك بتغسلى سنانك
وهتلاقى الفرشه عملت معاكى رغاوى 
9- اشطفى الدهب بالميه العاديه وهاتى ورق مناديل (كلينكس) وحطى عليه الدهب
10- نشفى الدهب كويس بالمناديل وشوفى شكله
Hotmail: Trusted email with Microsoft's powerful SPAM protection. Sign up now.
