|
طريقة عمل السيليـزو بالبسطرمه او التركي
المقادير 1 بيضه 1 معلقة كبيره ماء 1 طبقه من عجينة الباف بستري الجاهزه 1/4 كوب من جبنه كرافت مبشوره ناعم 1/4 معلقه كبيره من فلفل الاحمر المطحون بسطرمه او تركي(( ديك رومي مدخن)) او مرتديلا على حسب الرغبه
الطريقه نضرب البيض مع الماء لغاية لما يمتزجو كويس نخلط الجبنه المبشوره مع الفلفل الاحمر ودلوقتي نبدأ بأول خطوه مع اتباع الصور
نفرد العجينه الباف بستري بشكل مستطيل
نقطعها بالسكينه لنصفين بالطول
ندهن النصفين بخليط البيض مع الماء
نرش على نصف واحد فقط خليط الجبنه المبشوره مع الفلفل الاحمر
نبتدي نحط البسطرمه او التركي او المرتديلا فوق الجبنه
نغطيها ونقفلها بالنصف التاني من العجينه
وبالنشابه نفردها شويه علشان نتأكد ان العجينه مقفوله كويس
نبرم العجينة من الجنب
ونقطعها سليزات (( قطع)) زي السويسرول ونحطها في صنيه مدهونه او على ورق علشان مش تلتصق
ندهن فوق الوش بخليط البيض
نرش فوق الوش بالجبنه المبشوره
ندخلها الفرن ونتأكد ان الفرن سخن لغايه لما يتحمر فوق الوش ومش حياخد وقت اكيد
بعد ما نطلعها نسيبها تهدى شويه وبعدين نقدمها مع فنجان شاي
| |
Hotmail: Free, trusted and rich email service.
Get it now.
